Noriichten

Fir besonnesch de Besoine vu Persoune gerecht ze ginn, déi an europäesch Länner reesen, wou elo en Impfschema mat 3 Impfdosisse verlaangt gëtt, huet d'Regierung decidéiert, dësen alternativen Impfschema als Optioun ze proposéieren.

De Gesondheetsministère wëll weider Prezisiounen iwwert déi rezent Ännerunge bei der Kodéierung vun den Impfcertificate fir de Janssen-Impfstoff (Johnson&Johnson) ginn, déi dozou gefouert hunn, dass eng Rei Persounen nei rektifizéiert Certificaten zougestallt kruten.

An der Woch vum 10. bis de 16. Januar 2022 ass d'Zuel vun de positiv op COVID-19 geteste Persoune vun 10.680 op 11.728 geklommen (+8%).

De 14. Januar 2022 presentéiert den Experterot säin Avis iwwert d'Aféierung vun enger Impfflicht géint COVID-19. De Livestream fänkt géint 16 Auer un.

An der Woch vum 3. bis den 9. Januar 2022 ass d'Zuel vun de positiv op COVID-19 geteste Persoune vun 5.643 op 10.680 geklommen (+89%).

Nodeems d'Chamber déi nei Reegelen am Kader vum 2G+-System ugeholl huet, si Persounen, déi ee kompletten Impfschutz vu manner wéi 180 Deeg hunn, Persounen, déi hiren Impf-Rappel kruten, a Persounen mat engem Geheelt-Certificat an Zukunft vun der Testflicht ënnert dem CovidCheck 2G+ befreit.

Nom Vott vum Gesetzesprojet N°7943, ass dat ofgeännert Gesetz vum 17. Juli 2020 iwwert d'Mesuren am Kampf géint d’Pandemie COVID-19 op folgende Punkten ugpeasst ginn.

Opgrond vun der aktueller epideemescher Well an de Risike vun der Omikron-Variant, huet de Regierungsrot op senger Sëtzung vum 7. Januar 2022 decidéiert, den Delai tëscht der "Booster"-Impfung no enger Impfung mat 2 Dosissen (Moderna, BioNTech/Pfizer) an enger "Mix & Match"-Impfung (AstraZeneca als 1. Dosis an RNA-Impfstoff als 2. Dosis) op 3 Méint ze kierzen, an d'"Booster"-Impfung fir Jugendlecher ab 12 Joer opzemaachen.

An der Woch vum 27. Dezember 2021 bis den 2. Januar 2022 ass d'Zuel vun de positiv op COVID-19 geteste Persoune vun 2.688 op 5.641 geklommen (+110%).

De 4. Januar 2022 huet de Regierungsrot e Gesetzesprojet approuvéiert, deen déi maximal Isolatiounsdauer weiderhi bei 10 Deeg festleet, fir Persounen, déi weder komplett geimpft sinn, nach en Impf-Rappel 6 Méint no der Éischtimpfung kruten.

Ab haut ass den Delai fir een Impf-Rappel ("Booster") no enger Impfung mat 2 Dosissen (Moderna, BionTech/Pfizer) oder mat "Mix & Match" (1. Dosis AstraZeneca and 2. Dosis RNA-Impfstoff) op 4 Méint aplaz 6 Méint reduzéiert.

Wéinst technesche Problemer am Impfzenter an der Victor Hugo Hall um Lampertsbierg, gëtt den Zenter ab dem Méindeg, 3. Januar 2022 an d'Luxexpo The Box verluecht.

Am Hibléck op d'Hausse vun der Zuel un Neiinfektioune mam COVID-19, huet d'Contact-Tracing-Ekipp vun der Gesondheetsinspektioun hir Ofleef ugepasst, fir d'Zeréckverfollege vun de Kontakter z'optiméieren. Dës Upassunge si schonn operationell.

An der Woch vum 20. bis de 26. Dezember ass d'Zuel vun de positiv op COVID-19 geteste Persoune vun 2.727 op 2.688 erofgaangen (-1%).

Nom Akraafttrieden vum 2G+System, deen d'Regierung am Kampf géint d'Pandemie agefouert huet, ass d'CovidCheck.lu-App ugepasst ginn.