An der Woch vum 10. bis de 16. August sinn d'Zuel vun de positiv op COVID-19 geteste Persounen an d'Zuel vun den identifizéierte Kontakter däitlech réckleefeg. An dësem Zäitraum goufen 249 Neiinfektiounen (-30%), sou wéi 1.779 Kontakter (-27%) verzeechent.
A Betruecht vun dësen neie statisteschen Donnéeë begréisst d'Gesondheetsministesch Paulette Lenert och d'Entscheedung vun der däitscher Bundesregierung, de Grand-Duché net méi als Risikogebitt anzestufen. D'Zuel vun de positiv op COVID-19 geteste Persoune läit fir déi 2. Woch noeneen ënner 50 op 100.000 Awunner.
De 16. August goufen et insgesamt 606 aktiv Infektiounen (par rapport zu 930 de 09/08), wärend d'Zuele vun de geheelte Persoune vu 6.168 op 6.739 geklommen ass.
An där betruechter Woch gouf et och 2 weider Doudesfäll am Zesummenhang mam COVID-19.
Den effektive Reproduktiounstaux (RT eff) ass licht geklommen, vun 0,73 op 0,78, wärend de Positivitéitstaux vun 0,70% op 0,66% (Wochenduerchschnëtt) erofgaangen ass.
Fir d'Woch vum 10. bis de 16. August loung d'Altersmoyenne vun de positiv diagnostizéierte COVID-19-Fäll bei 35 Joer an ass domat onverännert stabil par rapport zu de viregte Wochen.
Surveillance vun de Quarantänen:
An der Woch vum 10. bis de 16. August waren 1.073 Persounen a Quarantän (-20% par rapport zu der viregter Woch) a 763 an Isolatioun (-31% par rapport zu der viregter Woch).
Opdeelung vun der Quarantän no Alterstranche:
0-14 Joer |
15-29 Joer |
30-44 Joer |
45-59 Joer |
60+ Joer |
||
25/05/2020 |
31/05/2020 |
22% |
20% |
34% |
18% |
6% |
01/06/2020 |
07/06/2020 |
35% |
17% |
28% |
15% |
5% |
08/06/2020 |
14/06/2020 |
30% |
18% |
31% |
18% |
4% |
15/06/2020 |
21/06/2020 |
19% |
28% |
29% |
20% |
5% |
22/06/2020 |
28/06/2020 |
23% |
32% |
24% |
18% |
3% |
29/06/2020 |
05/07/2020 |
21% |
32% |
23% |
20% |
4% |
06/07/2020 |
12/07/2020 |
26% |
26% |
24% |
20% |
3% |
13/07/2020 |
19/07/2020 |
27% |
27% |
23% |
19% |
3% |
20/07/2020 |
26/07/2020 |
25% |
24% |
24% |
21% |
6% |
27/07/2020 |
02/08/2020 |
23% |
27% |
24% |
20% |
5% |
03/08/2020 |
09/08/2020 |
25% |
26% |
23% |
21% |
6% |
10/08/2020 |
16/08/2020 |
19% |
27% |
25% |
22% |
7% |
Ursprong vun de Kontaminatiounen:
Vun den 249 positive Fäll an där Woch, sinn 63 Fäll op Auslandsreesen zeréckzeféieren. Effektiv hëlt den Undeel u Fäll, déi aus enger Vakanz zeréckkommen, däitlech zou a mécht 25% vun all de positive Fäll aus. An dësem Kader widderhëlt de Gesondheetsministère den Appell un all Reesender, wärend hirer Vakanz d'Geste-barrièren ze respektéieren, sech responsabel ze verhalen a sech bei hirem Retour testen ze loossen, wa si Kontakt zu enger potentiell infizéierter Persoun haten.
Doriwwer eraus sinn 52 Fäll (21%) warscheinlech op intrafamiliär Kontaminatiounen zeréckzeféieren an 12 Fäll (5%) stoungen am Zesummenhang mat Familljefeieren oder Fester ënner Kolleegen. 23 Fäll stamen aus 7 identifizéierten aktiven Infektiounscluster (Entreprisen, Wunngemeinschaften, Fräizäitaktivitéiten, Gesondheets- a Fleegesecteur).
Communiqué vum Gesondheetsministère