De Premier- a Staatsminister Xavier Bettel informéiert, datt Seng Kinneklech Altesse de Grand-Duc dësen Nomëtteg den Étienne Schneider, Vizepremierminister, Wirtschaftsminister a Gesondheetsminister, op deem säi Wonsch hin éierenhaft entléisst.
De Franz Fayot gëtt als neie Regierungsmember vereedegt. Hie gëtt zum Minister fir Entwécklungszesummenaarbecht an humanitär Ugeleeënheeten a Wirtschaftsminister ernannt.
Den Dan Kersch, Sportsminister a Minister fir Aarbecht a Beschäftegung a fir Sozial- a Solidarwirtschaft, gëtt zum Vizepremierminister ernannt a behält seng ministeriell Kompetenze bäi.
D'Paulette Lenert, Ministesch fir Entwécklungszesummenaarbecht an humanitär Ugeleeënheeten a Ministesch fir Konsumenteschutz, gëtt zur Gesondheetsministesch an delegéiert Ministesch fir sozial Sécherheet ernannt a behält hir Zoustännegkeet fir de Konsumenteschutz.
Communiqué vum Informatiouns- a Pressedéngscht vun der Regierung